AZƏRBAYCAN MİLLİ ELMLƏR AKADEMİYASININ
RƏYASƏT HEYƏTİ

TÜRKOLOGİYA
 
   

Baş səhifə

"Türkologiya" jurnalı bu gün
Baş redaktor
Baş redaktorun müavinləri
Məsul katib
Redaksiya heyətinin üzvləri
Beynəlxalq məsləhətçilər
Beynəlxalq indekslər
Arxiv
Saylarımız
Türkoloji seminar
Nəşrə dair tələblər
Abunə
Haqqımızda
Əlaqə
   
   
 
Flag Counter
 
18.07.2020

“Türkologiya” jurnalının 2020-ci il üçün 2-ci sayı çapdan çıxıb

Azərbaycan Milli Elmlər Akademiyasının Rəyasət Heyətinin təsisçisi olduğu beynəlxalq “Türkologiya” jurnalının 2-ci sayı (2020) işıq üzü görüb.
Jurnalın məsul katibi, filologiya üzrə fəlsəfə doktoru Elçin İbrahimov məlumat verərək bildirib ki, “Türkologiya” jurnalının 2-ci sayında türkologiyanın müxtəlif sahələrinə dair Azərbaycan, türk, ingilis və rus dillərində elmi məqalələr dərc olunub. O qeyd edib ki, jurnalın bu sayında amerikalı altayşünas Denis Sinorun “Ural-Altay əlaqələri problemi” adlı araşdırması, Kamilə Vəliyeva və Gülnara Cəfərovanın “Maşın tərcüməsində sözün semantik təhlili”, Mehman Abdullayevin “Xanlıqlar dövründə Azərbaycanda ali zümrə nümayəndələrinin sayı (Quba, İrəvan və Naxçıvan xanlıqlarına aid məlumatlar əsasında)” başda olmaqla bir çox orijinal məqalələrə yer verilib.
Junralın budəfəki sayı rubrikalar baxımından da zəngindir. Belə ki, klassik irs, dilçilik, ədəbiyyat və folklor, tarix və etnoqrafiya, mədəniyyət və incəsənət, müzakirə və diskussiya, türkoloji mərkəzlər rubrikalarında ABŞ, Qazaxıstan, Türkiyə, Bolqarıstan, Özbəkistan və Rusiyanın elmi mərkəzlərindən göndərilmiş sanballı elmi araşdırmalar dərc edilmişdir. Məqalələrdən bir neçəsini nümunə verək: İvan Dobrev “Erkən orta əsrlərdə xarəzm əlifbası ilə yazılmış bulqar yazıları” (Bolqarıstan), Səlçuk Türkyılmaz “Yeni Kafkasya” jurnalı və müstəqil Azərbaycan ideyasının təbliği” (Türkiyə), Maya Mançxaşvili “Gürcüstanda türkologiya” (Gürcüstan) və s.
“Elmi həyat, resenziyalar, personalia və nekroloqlar rubrikalarında isə türkologiyada əlamətdar hadisələrə dair maraqlı yazılar dərc edilib.
Qeyd edək ki, “Türkologiya” jurnalı ildə 4 dəfə, 3 aydan bir nəşr olunur. Jurnalın növbəti sayları üçün məqalə qəbulu davam edir.

Baş redaktordan


J
urnalımız vaxtilə SSRİ məkanında, eləcə də beynəlxalq aləmdə nüfuzlu elmi orqan olan “Sovetskaya Turkologiya”nın elmi və mədəni ənənələrini davam etdirmək əzmindədir. Müxtəlif vaxtlarda jurnala başçılıq etmiş görkəmli alimlər – M.Şirəliyev, E.Tenişev, A.Axundov, T.Hacıyev bunun üçün əllərindən gələni etdilər. Bu gün qloballaşma dövrünün tələbi ilə jurnalın elmi məkanı genişlənməyə ehtiyac duyur. O, təkcə türkoloji dilçiliyin, folklorun çərçivəsinə sığmır. Oxucu jurnalda türkoloji dilçiliklə yanaşı, etnoqrafiyaya, fəlsəfəyə, tarixə, ədəbiyyata, mədəniyyətşünaslığa aid mətnlər görmək istəyir.

Faydalı linklər
 
 
 

 
AXTARIŞ
© "Türkologiya" jurnalı. 2013.